Tintin-en abenturak | Castafioreren bitxiak

ostirala, abendua 25, 2020


Joxantonio Ormazabalek itzulitako, ELKAR argitaletxearen 1988 urteko ediziotik digitalizatutako Tintin-en abenturen Castafioreren Bitxiak albumaren lehenengo 21 orriak igo ditugu FROZEEN-era.

Izan ere Tintin-en album hau izan zen aurreko urtean, erreportari belgiarraren 90. urteurrenean, Zephyrum Ediciones argitaletxe katalanak Elkar argitaletxearen testigua artu eta euskaraz berrargitaratu zuen lehenbiziko alea. Hogeitabost urteko eskasiari amaiera eman diote horrela Zephyrum-ekoek eta azkenik Tintinen abenturak liburu dendetan eskuragarri egongo dira berriro euskaraz datozen urteetan.

2019ko martxoan argitaratutako Castafioreren Bitxiak albumari, 2020an kaleratutako Ilargia Helburu (lehen Ilargira bidean zena) eta Ilargian oinez albumek jarraitu diote eta urtero bizpahiru ale berrargitaratzeko asmoarekin jarraitzen du Zephyrum argitaletxeak. Aukera aprobetxatuz, album berriak argitaratzen diren heinean eguneratzen joango garen euskaraz argitaratutako Tintinen komikien zerrenda bat antolatu dugu.
Argitalpen zaharragoa Argitalpen berriagoa Orri nagusia