astelehena, azaroa 24, 2014

BILL WATTERSONen CALVIN eta HOBBES



1985eko azaroaren 18an argitaratu zen Calvin & Hobbes-en lehen komiki tira Estatu Batuetako hainbat egunkarietan. 29 urte iragan dira ordutik. Bada garaia Calvin eta Hobbes-en abenturak (batzuk sikiera) euskaratzeko!

Honako hau 1985eko azaroaren 24ean (gaur orain dela 29 urte) argitaratu zen Calvin eta Hobbes-en lehen igandeko komiki tira da. Igandetako komiki tirekin ohi den bezala, handiagoa eta koloretan.

osteguna, azaroa 20, 2014

DRAGOI BOLAren 30. URTEURRENA!!!


Ospatzeko, hona hemen DRAGOI BOLAren jatorrizko komikiaren lehenengo atala euskaraz

Gaurko egunean orain dela 30 urte, DRAGOI BOLA lehenengo aldiz kaleratu zen Japonian. Shueisha argitaletxearen Weekly Shonen Jump aldizkariaren 51. zenbakian. Azalean agertzen den kaleratze eguna abenduaren 3a bada ere, aldizkari japoniarrekin maiz gertazten den bezela, egia esan, egun batzuk lehenago, azaroaren 20an kaleratu zen.