ASTERIX OLIMPIAR JOKOETAN (Berrargitaratzea)

asteartea, iraila 27, 2016




Joan den ekainean, Joku Olinpikoak aitzaki, ASTERIX OLIMPIAR JOKOETAN berargitaratu zuen Salvat-ek. Asterix eta Obelixen hamabigarren zenbakia, Kolekzio klasikoaren tamaina eta jatorrizko zenbakitzeaz aparte,  16 orriko gehigarria dakarren informazioz eta bitxikeriaz beteriko argitalpen berezi mugatua da. Elkarren kolekzioko 2. zenbakiaren lekua hartzen du album honek. Euskaratze berria izenburutik hasita nabaritzen da, izan ere lehen 'Asterix  Joku Olinpikoetan' zena orain 'Asterix Olinpiar Jokoetan' bezela aurkeztu dute. Ez da hau urteen buruan izen aldaketan jasan dituen album bakarra, eta ez da azkena izango ziurrenik. Hemen Asterixen euskaraz argitaratutako komikien zerrenda.

LIBURUAREN XEHETASUNAK:

Argitaletxea: Salvat
Kaleratze eguna: 2016-VI-2
Hizkuntza: Euskara
Orri kopurua: 48
Tamaina: 21.8 x 28.8cm
Prezioa: 12.9€
ISBN-10: 8469605968
ISBN-13: 978-8469605967

ESKURAGARRITASUNA

PACO ROCA-ren ETXEA

astelehena, iraila 26, 2016



2008 urtean Komikiaren Sari Nazionala bereganatu zuen ZIMURRAK komikiaren ostean, joan den apirilean bere azken lana den ETXEA argitaratu zuen Astiberrik. Euskaraz argitaratzen den Paco Rocaren bigarren liburua da hau. Lau orrialde jarri ditugu ikusgai Frozeen-en. Korri dendara, laister agortuko da eta!

Hona argitaletxearen aipamena:

Urteen urteez, oroigarri eta oroitzapenez bete du jabeak etxea, bere bizitzaren lekuko isila den etxe hori. Era berean, etxearen irudikoa da jabea. Beti elkarrekin bizi izan diren bikoteen antzera. Eta hala, han bizi dena behin betirako desagertzen denean, etxearen barrukoa gelditu egiten da, hautsak hartuta, jabea noizbait itzuliko ote den.
Kontakizun honetako protagonista diren hiru neba-arrebak familiaren etxera itzuli dira, aita hil eta urtebetera. Hura saltzeko asmoa dute, baina oroitzapenei aurre egin beharko diete, botatzeko trasteren bat hartzen duten bakoitzean. Beldur dira ez ote diren iragana alboratzen ari; aitaren oroitzapena, baita eurena ere. Oihartzun autobiografikoak adi daitezke Paco Rocaren azken lan honetan, gertutik bizi izan duen egoera bat kontatu beharrak eragindakoak, Zimurrak obran gertatu zitzaion moduan. 
Fernando Marías idazleak honoko hau azpimarratu du: “arrisku handia da egilearentzat sekuentzia gogoangarri batez abiatzea obra. Irakurlea jabetu egiten da, eta indar horri eusteko ez ezik, zirkulu perfektuaren itxierara bidera dadin exijituko du. Etxeak, maitasunez eta egiaz betea, lortu egiten du”. Maríasen esanetan, gainera, komikigile valentziarraren azken lan hau “aitak eta semeak elkarrekin egindako azken txango zirraragarria da, baita Paco Rocari Denbora marrazteko aukera eman dion liburua ere; joan doan Denbora, edo joan egin zena, edo joango dena”.

 LIBURUAREN XEHETASUNAK:

Argitaletxea: Astiberri
Kaleratze eguna: 2016-IX-11
Hizkuntza: Euskara
Orri kopurua: 136
Tamaina: 17x24cm
Prezioa: 16€
ISBN-10: 8416251630
ISBN-13: 978-8416251636

ESKURAGARRITASUNA

Amazon ES: http://amzn.to/2de7kXt


Mezu zaharragoak Mezu berriagoak Orri nagusia